БУРХАНЫ ШАШИНТАН

хэрвээ та бурханы шашин шүтдэг хэрнээ хэрхэн хаанаас эхлэхээ мэдэхгүй бол

ИТГЭЛ

Бурханы шашинд сүсэглээд юунаас эхлэх вэ гэвэл аврал одуулж итгэл гэдгийг бий болгох хэрэгтэй.Энэ итгэл буюу аврал одуулна гэдэг нь яг эхлэл нь юм .Энэхүү дөрвөн мөртийг уншиж аврал одуулна.

АВРАЛ ОДУУЛЛАХ

Багшид авралыг одуулмуй

Бурханд авралыг одуулмуй

Номд авралыг одуулмуй

Хуврагт авралыг одуулмуй

Өглөө гурав унших

Аврал одуулах дөрвөн мөртийг өглөө  ариун цэврийг сахиж дуусаад  3 удаа уншиж өөрийн аав ээжийн болон өөрийн эрүүл мэнд тухайн өдрийн ажил үйлс бусад өөрт хэрэгтэй зүйлсийг  Чухаг дээд гуравтаа даатган уншина.

ОРОЙ УНШИХ

Оронд орхоосоо өмнө гурав унших бөгөөд тухайн өдрийн өөрийн сайн үйлийг ирээдүйн сайн сайхны төлөө зориулж байна хэмээн бодоод  амьдралын эрхэнд муу үйл хийсэн бол наминчилж ахиж муу үйл хийхгүйг хичээх хэрэгтэй юм.

ХИЙДИЙН ҮЙЛ АЖИЛЛАГАА

Байгуулагдсан цагаас хойш нийгмийн үйл ажилгаанд оролцож хандив тусламж өргөсөөр байна.

Манай хийд нь Улааны ёсыг барьдаг.

ЦОГЧЭН ХУРАЛ 
Цогчэн буюу Их чуулган нь залбирал, уншлага, даатгал, магтаал голлосон хурал юм.Бидний Багш Хүүхэн хутагт О.Тагарва бээр хурлын зан үйлийн дэгийг Монгол орны нөхцөл байдалд уялдуулан эмхэтгэн хайралсан.

ДҮЙЧЭН ӨДРИЙН ХУРАЛ
Манай хийд нь шинийн 3-нд 1000-тай номнууд, 8-нд их манал , 9/19-нд Чойжоо дүгжүү ,Цагаан шүхэртийн догжүр, 10-нд Ловон чого,14/20-нд Ганжуур ,оройн ерөөл,15-нд Дамдин-янсан ,зангад ,дүртэддагва бага тахилга ,25-нд Ханд чого ,29-нд 10 хангал ,30-нд Дарь эхийн мандал шива хурдаг .

ЖАСАА ХУРАЛ 
Бурхан ,сахиус догшидын айлдсан нас уртасгах , эрүүл энх , өвчин зовлон арилгах гэх мэт заслын номуудыг  сүсэгтэн олонд уншиж багаханч гэсэн тус болж байна.

Манай хийдийн хурал ном

Үржин шаддүвлин хийд нь 2000 онд байгуулагдсан цагаасаа хойш дээдэс багш нарын айлдсанчилан өдөр болгон хамаг амьтаны тусын тулд хуралаа тасралтгүй хурсан.